VERSAMELINGS

Ontdek Ode se koninkryk!

Porselein:
Sy regeer oor haar porseleinstukke wat in verskillende hoekies dwarsdeur Caledon Villa uitgestal is.  Sy het naslaanwerke om versamelstukke uit Europa, en meer spesifiek uit Thüringen, te identifiseer.  As sy êrens vasbrand, is die internet haar speelveld om verder te delf in die verlokkende verlede van porselein.

Antropologie: Sy studeer aan die Universiteit Stellenbosch en Keulen, Duitsland.  Vir haar MA-tesis doen sy veldwerk in Mpumalanga onder die Ndebele-stam - ook bekend as Mapoggers.  Tydens hierdie besoeke bekom sy egte voorbeelde van fyn kralewerk en seremoniële volksdrag.  Dit en nog meer is opgeneem in haar volkekundige uitstalling. Olieverfskilderye: Van haar Weiss-ouers het Ode haar waardering vir kuns in die breë geerf. Onder hul nalatenskap tel skilderye deur bekende SA kunstenaars. 'n Toer deur die huis kan vir die belangstellende interessant wees. Met talente wat wissel van skilder en skryf tot musiekmaak, gee dit vir Ode vreugde om dit met ander te deel.  Maar haar grootste vreugde is om Ouma vir haar kleinkinders te wees.